صار الهدف واضح وبالعين مكشـــوف
انك تتابع خطوتي وين مــــــــــــــاروح
شلت القناع وصرت بالحيل ملقـــــوف
تصرخ وصوتك للمخاليق مبحــــــــوح
والله مايملكني احساس بالخـــــــــوف
الخوف من قلبي له اسنين ممســــوح
أجيك لو دونك لي العالم اوقـــــــــوف
وازيد جرحك فوق مانته بمجــــــروح
كانك على قولك من الناس معـــــروف
وانته على الشهره متيم ومشفــــــوح
عطنا دواوينك له القلب ملهـــــــــوف
لا لا تهرب عطني الرد يالـــــــــــــوح
شاعر ولاتصفق على شعره اكفــــوف
محد(ن) درى عنّه ولاهو بممـــدوح
شعر الجزاله قلت له آه انـــا واووف
وزن وجزاله والمعاني لها بـــــــــوح
الشاعر اللي له جماهير واوصــــوف
ترى الشعر فيه الخطا غير مدمــــوح
لا لا تكابر واكثر الناس بتشــــــــــوف
الكسر واضح في قصيدك ومفضــــوح
ياوسّع وجهك منت خجل(ن)ومكسوف
خل الشعر مالك به اليوم مصلــــــــوح
واحنا نقدر كل من عنده اظـــــــــروف
كل من خطا قلنا له اليوم مسمــــــــوح
خلك سموح(ن)للخلايق ومملـــــــوح
نصيحتي لك قلتها قبل مــــــــــــــاروح
