أوعى تذاكر جانب جدتك

مشرفة قسم الاسرة الجنس :

يا رب تنجح يا نون ياابن ابني وأشوفك دكتور أد الدنيا -

ياستي بس انا في تجارة -

وماله يابني هو يكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك ... وانا أخلي جدك يخدك معاه الوكالة عشان تتدردح وتتودك في السوق -

جدي إيه اللي هايخدني معاه ...... ده جدي مات من زمان ياستي -

يا مصيبتي عبد الواحد مات .. ياحبيبي يا أخويا .. مكنش يومك ياسبعي -

ياستي ده ميت من تلتين سنة -

تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايز أذاكر بقي -

يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -

ياستي دبلون ايه .. أسمه البكالوريوس -

أنته عتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من روانا

لا اله الا الله ...... أبوس رجلك ياستي إرحميني بقه -

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حرااااااااااااا اا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهو زمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوي ياستي -

هوي لما يلطشك يابت ياجذمه أنتي -

الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها

ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي

عضو متالق الجنس :

ههههههههههههههههههههههه
رائعه هذه التمثيليه
ذكرتني بام جدتي الله يرحمها كانت تحكينا كتي
هههههههههه
نيت اني ما شفتها ماتت قبل ما ابي ياخد امي
يالله بنحكي عنها

تسلم دياتك اخت بركان
مع كل الشكر
والاحترام الكبيرين

كبار الشخصيات الجنس :

الحمد لله

اللى ما شفت جدتى ماتت قبل ميلادى

ولو شفتها بالاوصاف دى كان دبحتها وارتحت

هههههه

تسلمى بركان

المراقب العام الجنس :

هههههههههههههههههههه
حلوه مره يسلمووو
لا تحرمينا من هيك مواضيع
دمت بود
تقبلي مروري

نائب مدير الجنس :

ههههههه
ههههههههههه
تسلمـ الايادي بركان
ولا تحرمينا من روعه جديدكـ

مشرفة القسم الحر الجنس :

هههههههههههههههههه
تسلمي بركاني

مشرفة قسم الاسرة الجنس :

تسلمولى جميعا يا رب

وما اتحرمش منكم ولا من مروركم العطر

حقيقى شرفتونى

وسعدت بوجودكم جدا

وسعيده انى اضفت بسمه ولو بسيطه على وجهكم

فكونوا دائما بالجوار

خالص تحياتى لكم

وهذه الباقه من الورود هى اقل تعبير لشكرى لكم

[ندعوك للتسجيل في المنتدى أو التعريف بنفسك لمعاينة هذه الصورة]