وين أنت ياحمدان امك تناديك ××× وراك ماتسمع شكايا وندايا
يامسندي قلبي على الدوم يطريك ××× ماغبت عن عيني وطيفك سمايا
تذكر حياتي يوم اشيلك واداريك ××× ولاعبك دايم وتمشي ورايا
ترقد على صوتي وحضني يدفيك ××× ماغيرك احدن ساكن في حشايا
وليا مرضت اسهر بقربك واداريك ××× ماذوق طعم النوم صبحي ومسايا
ياما عطيتك من حناني وابي اعطيك ××× تكبر وتكبر بالأمل يامنايا
لاكن خسارة بعتني اليوم وش فيك ××× واخلصت للزوجه وانا لي شقايا
انا ادري انها قاسيه ماتخليك ××× وقالت عجوزك مابيها معايا
وخليتني وسط المصحه وانا ارجيك ××× هذا جزا المعروف وهذا جزايا
ياليتني خدامه بين اياديك ××× من شان اشوفك كل يوم برضايا
مشكور ياوليدي وتشكر مساعيك ××× وادعي لك الله دايم بالهدايه
حمدان ياحمدان امك توصيك ××× اخاف ماتلحق وتشوف الوصايا
وصيت دكتورة المصحه تعطيك ××× رسالتي وحروفها من بكايا
وأن مت لاتبخل علي بدعاويك ××× واطلب لي الغفران وهذا رجايا
وأمطر تراب القبر بدموع عينيك ××× ماعاد ينفعك الندم والنعايا
منقول
