قصيدة فكاهية عن المكياج لا تفوتكم

المراقب العام الجنس :

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي 

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...

خلها تولي

دمتم في رعــــاية الله

الجنس :

هههههههههههههههههههههههههه

الله يجازيك بالخير .. همس القوافي.. على النقل الممتع و المميّز .

شـاعــر القصيــده قــام بـالواجب بشكل فكاهي عجيب .

تحياااتي

مشرفة القسم الحر الجنس :

هههههههه بس أصلاً الجمال الخارجي مو مهم

الله يعطيك العافية أخي على الموضوع

المراقب العام الجنس :

تسلمو على التجاوب

نائب مدير الجنس :

ههههههههههه
انا برائي الجمال جمال الروح
ليس بالمنظر
ويسلموو على القصيده الفكاهيه
تقبلي مروري

» قصيدة فكاهية تصف رجلا اصلع
» طريقه وضع المكياج بالصور
» لا تفوتكم الابتسامه
» الارنب الاعجوبه لا تفوتكم
» قصيدة رائعه