بـديــت بـســم الله الـمـعـبـود سـبـحـانـه = مـــــــلاك الارواح والــدنــيـــا ومــافــيــهــا
بـديـت بـسـم العظـيـم المعتـلـي شـانـه = الــلــي بـلـيــا عــمـــد ســمـــاه بـانـيـهــا
مـــكّـــون الارض وجــبــالـــه ووديـــانــــه = وبـايـديــه الارزاق يـقـطـعـهـا ويـعـطـيـهـا
الـلـي وهــب لآدم ابــو الخـلـق غفـرانـه = يومـه طلـب عفـو نفـس ابليـس مغويـهـا
وخلـق مـن آدم بـشـر بالـكـون وأوطـانـه = مـنــه خـلــق خـلــق يـرزقـهـا وي**ـيـهـا
مــفــرق الـخـلــق بـاشـكـالـه وبـالـوانــه = والـنـفــس يـعـلــم بـرغـبـتـهـا وخـافـيـهــا
مـــنـــزل بــافــضــل الايـــــــام قـــرآنــــه = وأمـــر رسـولــه عـبــاده فــيــه يـدعـيـهـا
يـامـر بـديـنـه ووضـــح خـمـسـة أركـانــه = وصـلاتــه الـلــي لــــه عــبــاده تصـلـيـهـا
ومـن بعـد ذكــره نـقـول الشـعـر قيفـانـه = قـيـفـان شـعــر(ن) لـــدار الـعــز نـاقـيـهـا
ولـهـا الـغـلا عــود جـــاوي فـــاح دخـانــه = أبــلاد مــن فــي أصـــول الـديــن بانـيـهـا
الـلـي بـشــرع الله المـعـبـود سيـسـانـه = دسـتـورهـا الــديــن والــقــرآن قـاضـيـهـا
الـلــي قـبــل جـيـتـه بـالـظـلـم غـرقـانــه = الـديــن فـيـهـا جـهــل والـفـقــر واطـيـهــا
ومـــن الـفـقـر يـنـهـب الـرجــال جـيـرانـه = مـن الجـهـل كــل طــرق الـديـن ناسيـهـا
ومـن قلـت الامـن تمـس النـاس زهقانـه= تمـسـي وتصـبـح بـهـا الـنــاس أبـلاويـهـا
وركـــز بـهــا كـــاره الا ســـلام نـيـشـانـه= وهـدافــه الـلــي يبـيـهـا كــــان لا قـيـهــا
يـابــي يــواصــل بتخـطـيـطـه وكـتـمـانـه = وهـــويـــة الـــديـــن يـفـنـيـهــا بـهـالـيـهــا
لــكــن مــمــداه يــومـــه جـــــاه ديــانـــه = هــــدم نــوايــن قــبــل بـالـديــن نـاويـهــا
وسـكـر بـهـا الـشـر فــي يـمـنـاه بيـبـانـه = يمـنـآ لـفـت بالـكـرم مــن فـعــل راعـيـهـا
ومـــن الشـجـاعـه وزود الـعــز وإيـمـانــه = وهـقــوات نـفـســآ مـاغـرتـهـا هـقـاويـهـا
ونصـر مــن الله صــار الشـعـب صدقـانـه = وســاروا ورى دعـــوة عـــز(ن) مبـاديـهـا
ورى مـــن الممـلـكـه رمــــزه و عـنـوانــه = الـلـي رفـــع مسـتـواهـا وعـــز أهالـيـهـا
عبـد العـزيـز آل سـعـود وسـيـرة ازمـانـه = تشـهـد لـــه الـــدار حـاضـرهـا وماضـيـهـا
دار(ن) مـن أفعـال كـفـه تـقـل شيهـانـه = شـيـهـانـة مـاخـســر بـالـصـيـد شـاريـهــا
شيخ(ن) عسى جنة الفردوس مسكانه = ونفـسـه عــن الـنـار جـعـل الله يحمـيـهـا
حــر(ن) وخـلـف حــرارآ شانـهـم شـانــه = مـاغـيـروا سـيــرة الـشـيـخ وممـاشـيـهـا
زادوا عـلـى الخـيـر خـيـرن فــوق بنيـانـه = أملـوكـنـا الـلــي كـريـمـات(ن) يمـانـيـهـا
والــيــوم عــهــدن لـعـبــد الله وخــوانـــه = بـرواحـنــا المـمـلـكـه والــمــال نـفـديـهــا
ونفدى مليـك (ن)ماننسـى دمعـة عيانـه = لابـنــا الـوطــن يــــوم يـنـعـاهـا ويبـكـيـهـا
وبالخـيـر فعـلـه وصـــل لـنــاس فـقـرانـه = وسيـاسـتـه كــــل خـلـقــه الله تحـيـيـهـا
وولـــي عـهــده يمـنـيـه طـالــت ايـمـانـه = طيـبـه عـلـى الـنــاس قاصـيـهـا ودانـيـهـا
وكــل (ن)شـهـد لــه بتقـديـره وعرفـانـه = ماتنحـصـى نـــاس مـــن مـالــه يـداويـهـا
ونايـف عيونـه علـى أمـن الـدار سهرانـه = نفسـه علـى راحـة أهـل الـدار مشقيهـا
الله يـجــازيــه بـالـخــيــرات وأحــســانــه = الـلـي أهـــل الـديــن مايـخـلـف منـاويـهـا
وبالعـدل والشـرع حكمـه بالفعـل صـانـه = دامـــت حـيـاتــه وطــابــت لــــه ليـالـيـهـا
ويالـلـي تبـثـون هــرج(ن) مـالـه الخـانـه = ودبـلـتــوا اكـبـودنــا بـكـلـمــات نـوحـيـهــا
والله لتفـنـى الـبـشـر شـبــه ويشيـبـانـه = وتـفـنـى الـعــذارى مـــن أولـهــا لتالـيـهـا
ماتجـيـب مـثـل السـعـود رجــال بطـرانـه = الـحـكــم مــاهــو مسـلـطـهـا ومطـغـيـهـا
وادار بفـعـالـهـم صــــارت تــقـــل دانـــــه = وعــلـــى الــمــعــزه مــبــنــاةٍ مـبـانـيـهــا
وزاد الـتـطـور وغـــاب الـفـقــر وجــدانــه = عـقـب الـدهـر ســال بالخـيـرات واديـهــا
فــي كــل عـامــآ يـزيــد الـــدار عـمـرانـه = وتــوســـع الــطـــرق وتـــــزود كـبـاريـهــا
كلـه علـى شــان شـعـب الــدار وآمـانـه = دار الـكــرامــه عــســـى مالله يـخـلـيـهــا
دار(ن) غـلاهـا سـكـن حـضـره وبـدوانــه = مافيـهـم الـلـي مـاهــو بالـحـيـل يغلـيـهـا
يامـهـبـط الـوحــي والاســــلام عـنـوانــه = وقـبـلـت صـــلاة الـعـبـاد الـلــي تصلـيـهـا
يـامـوطـن الــديــن والـمـظـلـوم مـ**ـانــه = لا قــام نفـسـه خـطـا الـعــدوان يكـويـهـا
اللـي يسبـك عسـى الله يقطـع لسـانـه = وعـسـى حيـاتـه بـهـم وضـيـق يقضـيـهـا
وبيت(ن) على الدين ثبت ساس جدرانه = وأهـلــه عـلــى الـعــدل والـيـهـا مربـيـهـا
يــمــوت رجـالـهــم مــاشـــاف حـقــرانــه = ونـاس(ن) بالافـعـال تــرض الله يرضيـهـا
وأمـيــرنــا طــفـــرت الــدمـــام بـرهــانــه = لابــن فـهـد تـشـهـد وتـشـهـد ضواحـيـهـا
وشــرق البـلـد والبـلـد يشـهـد وسكـانـه = بفعالـه اللـي علـى الشـاطـي مسويـهـا
والنـايـب الـلـي وصـــل طـيـبـه لعـربـانـه = أفـعــول طـيـبـه مـحــد بـالـعـد يحـصـيـهـا
ابــن جـلـوى والـعــدل والـحــق مـيـزانـه = أصـعــب قـضـيـه عـلــى يـمـنـاه ينـهـيـهـا
مـثـل المـطـر فزعـتـه لا هـلــت أمـزانــه = تـفـرح بـــه الـنــاس والاشـجــار يحيـيـهـا
ليـا كـسـا الارض فــي سيـلـه وغـدرانـه = يشفـي نفـوسـآ شـقـى الايــام طاويـهـا
وبـبـلادنــا مـانـطــاوع نـــــاس مـرضــانــه = نـاس(ن) طغاهـا عــن الايـمـان معميـهـا
وقـلـوبـهـا بـالـحـسـد والـحـقــد مـلـيـانــه = ونفـوسـهـا أبـلـيـس بـالـفـعـال مـغـويـهـا
نـاســآ عـلــى مـــن رزقــــه الله مـنـانــه = رزق البـشـر تـقـل يـدفـع مـــن مخابـيـهـا
وعـنـد الشـهـاده يبـيـن الـرجـل وأيـمـانـه = أحــدن يـقـول الحقيـقـه واحـــد يخفـيـهـا
تكـفـون يـأهــل الـبـلـد أقـفــوا لـعـدوانـه = لـعــدا بـــلاد الاســــلام ومــــن يـوالـيـهـا
الله يــعــز الــوطــن والــديـــن وعــوانـــه = ويكـشـف خفـايـا الـعــدا الـلــي تعـاديـهـا
دار(ن) عليهـا نـفـوس الخـلـق شفقـانـه = والـعـمــره وحــــج بــيــت الله بـراضـيـهـا
حـنــا فـداهــا ان قـــام الـحــرب نـيـرانــه = وروح مــــن شـانـهــا لـلــمــوت نـهـديـهــا
اختـرت لـك مـن حزيـل الشعـر وسمانـه = مــثــايــل بـعـظــمــة الآ لــــــه بــاديــهـــا
ولــحـــط الـشــعــر ورمـــــاي نـيـشــانــه = أرم الاشـــــاره وبـــــآذن الله مـاخـطـيـهـا
صــلاة ربـــي عـلــى مـحـمـد ورضـوانــه = عــلـــى مـحــمــد والــــــه دوم نـثـنـيـهــا
