ياغاليه ياام العيون الحزينه

ياغاليه يـام العيـون الكحيلـه=يامترفـه يانايـفـه ياعظيـمـه
يالنادره يالمعجـزه المستحيلـه=يالشامخـه يالطاهـره ياكريمـه
ياغايتـي يانجمتـي كـل ليلـه=يالحن شعري ياعذوبـة رنيمـه
اشتاقلـك وانقادلـك ياجميـلـه=يام الدلع يام الغنـج يالرحيمـه
ياعود غصن(ن) والنسائم تميلـه=يلعبه النسناس في ظـل غيمـه
ياناعمـه يابـاهـره ياجليـلـه=لو كان حبك في خفوقي جريمـه
فليشهد التاريـخ بإنـي اشيلـه=وبكل يوم ادعي إلاهـي يديمـه
لاكن ترا يام الرمـوش الطويلـه=ياللي سرقتي قلب من جاه ضيمه
صحيح احبك لاكن انتـي بخيلـه=ليه البخل والوصل تقـدر تقيمـه
ليه البطا والقلـب منهـد حيلـه=وليه التغلـي والجفـا ياليئمـه
جسمي نحل من كثر ماعاش طيله=والحب يصرخ من فعايل غريمـه
يكفي جفا والوصل طول رحيلـه=رديه لايقطـع فجـوج الخريمـه
رديه لو كـان المسافـه طويلـه=رديـه مـادام النوايـا سليمـه
رديه مـادام الرجـاوي تجيلـه=والقلب يدعي ردته من صميمـه
وإن كان زاد البعد والصـد ليلـه=اقفيت وانا ادري بإنـك عظيمـه