مرحبا عمو عمرو موسى …. تسمح لي بأن أناديك عمو أبو السمرة
أنا بلال المرتاح حفيد عبد الفتاح و الملقب بـ أبو الفضل ….. بكالوريا علمي سنة ثانية …
شوف عمو … أنا ما أعرف شغلتك بالضبط … بس أشوفك كتير بالتلفزيون …. أكثر من أي مسؤول عربي أو زعيم , أنا مو شغلتي سياسة و لا أفهم بالسياسة …. بس ممكن سؤال قبل ما يجي الدكتاتور .. بابا و يـّــقلعني على غرفتي , من شان أدرس على أساس … و أحــّل عن ســما شقيقتي الصغرى …
أولا ً : أنت ليش على طول تدخن سيجار … يعني مثل أباطرة المخدرات تبعين دول الكونكاف ما أعرف الكونكان … يعني … مو حلوة منك تطلع متل زعماء المافيات … كونك تمثل مجموعة دول محترمة ؟؟؟ ! .
[ندعوك للتسجيل في المنتدى أو التعريف بنفسك لمعاينة هذه الصورة]ثانيا ً : كم راتبك و من مين تاخدوا … يعني أطقم و ربطات العنق الـ جورجي آرماني على حساب مين … و من راتبك …. مثلا ً , و بنزين الطيارة ما أدري الـ كاز تبعها …. من تجيبوا ؟؟؟؟ .
على كل حال عمو أبو السمرة ….
أنت صار لك رايح – جاي مثل خيط الجراب على لبنان و لسه ما تشكلت حكومة ….. ليش ؟؟؟؟ شاطر تجي و تاكل هالتبولة و المشاوي و المازوات … و الله أعلم شي قدح أو أثنين مع الشباب … و بعدين تطلع عالمطار … و أنت آخر رواق و تحكي كلمتين .. حفظناهم بصم و تطير … الله أعلم لـــ وين ؟؟؟
و كمان دارفور عمو … شوي و تطير من السودان … و أنت لسه تشجب و تستنكر و لما تعمل حالك معصب …. تستنكر بشدة و تعتبر بأن هذا الشيء غير مقبول … بس مبين عليك التمثيل ….. يعني مكشوفة …. و الله مو فارقة معاك ؟؟؟؟ يعني حتى التمثيل مو زابط معاك …
ما راح نحكي عن العراق …… العراق … راح و على رأئي الخال صباح فخري … هاتي كاس الراح و العراق طار مـــّـنا و راح …
و بعدين هاد المالكي … بعد ما طلع و ضرب الحمصات و الفتة تبع الشام بدوا يحاكمنا دوليا ً .. مع أنو عصاباتوا …. و راااااا كل هالبلاوي … كأنك طنشتنا مو عمو …… رحت على تركيا …… على شاورما و شيش طاووق و الذي منــّو , … و رجعت خليت المشكلة على ما هيـــّا
و بعدين انت ما سمعت كيف بيحكوا على سوريا طالع نازل … مرة تابعة للفرس و مرة تابعة للمجوس و مرة أم الأرهاب و مرة مسؤولة عن حالات المغص في فنلندة و مرة مسؤولة عن بعير تعثر بصحراء الربع الخالي …. كتير عليك تروح لـ هل الدول و تقول كلمة حق يكفــّوا بلاهم عن سوريا ….. و إلاّ أنت متل تلفونات الشام … إذا ما تحط عشرة ما تحكي ؟؟
و بعدين أبو السمرة … لما شمعون بريز ألقى كلمة ما بعرف وين .. و زعل عمو رجب طيب أردوغان و رفض يسمع كلمة و طلع طلعة ترفع الراس … أنت شو الي ضربك على قبلك و خلاك …. مـــّـــتـنــح و ما قمت معا .. لك مو الموضوع كان فلسطين … …
[ندعوك للتسجيل في المنتدى أو التعريف بنفسك لمعاينة هذه الصورة]حاليا … و عمو عباس … خبصها بتقرير غولد ستون … و أنت شغلتك عملتك .. تندد و تشجب و تستنكر … و بعدين معاك … يعني ما بدك تسوي شي شغلة … لـ هل العرب الي حطوك أمين .. على جامعتهم ؟؟؟؟
أم غزة …… و تدمير غزة ….. ما راح أحكي ……… و الله أن العين لتدمع و القلب محزون ….. و كان الله بعون أهل غزة … بدها .. صبر يا شباب
طيب و هي كمان بلاها ….. نجي للمهم :
من فترة قرأت أنو اسرائيل قام تصدر مأكولات عربية لأمريكا على إنها اسرائيلية … و منها الفتة و التبولة و الفلافل الجاهز و الفتوش و الباباغنوج ….. . شو خليت للعرب عمو ..
شوف عمو …. هي راحت منا …. بس بحب أذكرك :
1 – الكباب شغل حلب و كذلك المحاشي و الكبب …..
2 – الفتة و المسبحة و سواها شغل أهل الشام الكرام
3 – الثريد و اللبن .. إختصاص أهل الرقة
4 – الحلاوة الحمصية … ما بدها ؟؟؟ من إسمها شغل حمص
5 – و الجزرية شغل اللاذقية ….
6- و الشعيبيات من أدلب
[ندعوك للتسجيل في المنتدى أو التعريف بنفسك لمعاينة هذه الصورة]يعني و بكل إختصار إذا ما طلع بإيدك تحمي النفط العرب و تخليه للعرب و أرض العرب للعرب … و طارت مـــّنا الفتة و الفتوش ….
فأرجوووووك …. أرجوك إرفع شعار :
فلافل العرب … للعرب و أطيبه شغل الشام و حلب …. و لتخسء اسرائيل عدوة البشر والحجر و الشجر و الفتة و الفتوش …. و رغيف المنقوش
و أنا ما راح أكل من فطاير الفاخر و لا من همبرغر الصافي و لا من فروج الحكيم … لحد ما ترد عليّ و تطمني … أنو راح تحمي أرضنا و نفطنا و كبابنا و فلافلنا …. عم أستناك عمو
ابن أخيك : بلال المرتاح حفيد عبد الفتاح .. الملقب بــ أبو الفضل
كتبت بواسطة مدونة وليد شام.......
