شو ما بدها تحكي الناس تحكي ::مع فصعون..ج1

كبار الشخصيات الجنس :

متل العادة فاق فصعون من النوم غسل وجهه و فرشى أسنانه و قعد عطاولة الفطور يفطر مع أخته مفصعنة.
يوم
جمعة و ملل قررت مفصعنه أنها تشغل التلفزيون و بعد آخد و عطى و شد و رد
بينها و بين فصعون حول المحطه اللي رح يتفرجوا عليها استقروا على محطه
محايدة ، المحطه كانت عم تعرض مسلسل سوري من أخراجرشا شربجي المخرجة المفضلة للكوميديا السورية اللي بتابعها فصعون و لذلك وافق جدلا ً أنو يتفرج على هالمحطه .. المقدمه تبع المسلسل أشواك ناعمة [ندعوك للتسجيل في المنتدى أو التعريف بنفسك لمعاينة هذا الرابط]
.. مرّ مقطع غنائي أثار قلق فصعون على الفور ” كل الناس بتحكي و ما بتشوف
“ كمش فصعون قلبه و اطلع حوليه ليتأكد من أنـّو الأمن مستتب ، حس بحركه
غريبه جنب الشباك و على الفور لبس دور شارلكهومز و قدحه * ( قدحه اي نظر
اليه نظره " لا نضحك عبعض " فهمانك أنا ) نظرة متوعدة و قفز جنب الشباك و
متل ما توقع كان في دبانه تحاول التسلل للمطبخ بلش فصعون يشعر بالإضطراب
سكر كل الشبابيك و طلع على غرفته و طلع صندوق أسراره من تحت التخت حطه
عالأرض و بلّش يدور حوليهأطلع بالصندوق و قله بعد عده دقائق من التفكير "
لازم خبيك بمكان أمين " .
جاب
فصعون صندوق تاني كبير و مهتري حط صندوق اسراره فيه و لزقه و كتب عليه "
قمامة ذات رائحه مزعجه يرجى عدم الشم " رجع الصندوقين لتحت التخت و ما كان
يرفع راسه الا رن التلفون ألو
ألو مين فصعون ؟
اي فصعون يتحدث مين معي ؟
وينها أمك ؟؟
مين انت ؟
أنا ام فهمون شو ما عرفتني ولك فصعون ؟
فصعون شعر بالإضطراب نتيجه ذكرياته المريرة مع فصول ام فهمون شو بدك من امي ؟
بدي اجي عزل بكرا
. . . سكر فصعون التلفون و ركض لتحت التخت !!
وين
لازم يخبي صندوق اسراره ؟؟ تمكن فصعون بعد تفكير عميق من أنـّو يدحش
اسراره بصندوق أصغر و أعاد ترتيبها و كب الإسرار القديمة و اللي ما عادت
تطعمي خبز و قرر ياخد هالصندوق معه وين ما يروح لأنو الشغله ما عاد فيها
مزح !!
السبت صباحا ً :
فاق
فصعون و لبس مريوله و حط الفولار و آخر رواق .. و اشتهى يحلق دقنه لكن
نظرا ً لعدم توفر الدقن فما قدر يحلقها و أخيرا ً قبل ما يطلع من غرفته و
مع معرفته لزيارة أم فهمون تأكد من أنه ما ترك شي بالغرفة يدل على اي شي
من اي قبيل و حط صندوق اسراره المضغوط بالشنتة و انطلق عالمدرسة .
عالطريق
سمع شي عم يخض عطى ادنه للشنتة و لما وصل عباب المدرسة اكتشف انو الصندوق
مفتوح و هارر منه كم سر بأرض الشنتة ركض فصعون عالحمام و لملم أسراره و
أعاد ضغطهم بالشنتة
بهالأثناء
مين كان بالحمام ؟؟ كان بالحمام كل من رفيقه غرغار و فهمان و فضحان و
طفشان و ملان و كانت رفيقتها لام فهمون عم تمسح الأرض ، سمع كل من
الموجودين خشخشه بعض الاسرار الفصعونية و شعر فصعون بالاضطراب مره تانية
لهالأمر لكنه أحكم السيطرة عالموضوع . راح فصعون على صفه و مرت كل من
الحصة الأولى و التانية بهدوء .. لكن مع بداية جرص الفرصة أجى فضحان لعند
فصعون و صار يغمزه انو لك فهمانك فهمانك و فصعون يهز براسه :شوفي ؟؟ شوفي
؟؟ فضحان يأشر بحواجبه : هديك الشغلة، فصعون يهز براسه دلاله النفي : شوفي
؟؟ فضحان : بتحبا ؟؟ فصعون بظوا ( بظ هو فعل للدلالة على حاله ما بعد
الفنجرة للعيون ) عيونه من محلهم و لكن تمالك أعصابه و قال : شوفي ؟؟
فضحان : بتحبا يا فصعون؟؟؟ بتحبا ؟لكن هي...صدقني ...عايشة وحدا بلاك
فصعون بلش يفهم و هز براسه دلاله على الفهم و الغضب ..
بالفرصة
الثانية غير فصعون الشلة و قعد مع شله غرغار. فجأه بيسمع غرغار عم يوشوش
فتحان شي عن فصعون فتحان بيطلع بفصعون تطليعه عجيبه و فصعون بيستغرب و
بيستغرب و بيستغرب و بينسحب من اللعبة و لكن ما بيلبث غرغار انو يلحقه و
يقله : ليش ما أكلت صندويشتك فصعون : ماني جوعان غرغار : لك لتكون حزنان و
لك فصعون أو عشقان مثلا ً لانو اللي بيعشق ما بجوع .. فصعون : مهضوم ..
غرغار : هاهاها
بالفرصة
الثالثة قرر فصعون يقضي الوقت لحاله و لا يقرب عحدا و لكن بيجي لعنده
طفشان و بيقله : فصعون تنضم لعصابتي ؟ فصعون بيجاوب بالرفض
طفشان
: يعني ما بدك تنضم لعصابتي فصعون : لا ما بحب العصابات أنا طفشان : ما
بتحب العصابات او مشكل عصابة سرية فصعون ببظوا عيونه للمرة الثانية على
التوالي و بينسحب من الحوار عطريق الرجعه كان فصعون عم يفكر قديش رفقاته
كبروا القصص و يفكر و يحك راسه أنو من وبن عرفوا كل هالأشياء و كيف عملوه
عشقان و رئيس عصابة و حزنان روميو في آن معا ً.
رجع
فصعون عالبيت زعلان طلع على غرفته و ما رضي يتغدى نزل تحت التخت ليعيد
ترتيب أسراره و المفاجأه كانت انو الصندوق اللي اخده معه عالمدرسة ما كان
صندوق اسراره !!! انما الصندوق كان فاضي الا من بعض النكت المضحكة اللي لا
تمت للواقع بصله و انو صندوق اسراره ليكه تحت التخت ، بهاللحظه فصعون صار
يضحك انو يا عم عن جد متل ما بقولو بأغنية المسلسل المذكور أعلاه :
" كل الناس شو ما بدها بتحكي .. كل الناس بتحكي و ما بتشوووووووف "

فتأمـّل يا رعاك الله؟؟ [ندعوك للتسجيل في المنتدى أو التعريف بنفسك لمعاينة هذه الصورة]

مدونة طباشير

الجنس :

ههههههههههههههههههه

سلمت يداك على ما قدمت لك مني كل الود والاحترام

كبار الشخصيات الجنس :

الله يسلمك :وان شاء الله عجبتك القصة :لسافيه اجزاء تانية

المراقب العام الجنس :

[ندعوك للتسجيل في المنتدى أو التعريف بنفسك لمعاينة هذه الصورة]

كبار الشخصيات الجنس :

الله يعافيك

» هل تستطيع ان تحكي الحقيقة دائما
» فوائد من سورة الناس
» البوم علي حسين :: قلوب الناس 20
» عقدة أسمها كلام الناس
» كلمات اهدهالي اعز الناس واهديها لقلوبكم