ياترى لما بنوتة عسولة تكون سايقة العربية بتاعتها وتعمل مخالفة من أى نوع
هل شرطى المرور هايعملها زى أى واحد كسر إشارة ولا مش رابط الحزام ؟
تعالوا نشوف ممكن يعمل إيه
ـ لو كانت سايقة بسرعة :
بيضحك وبيقولها
بتسوقي بسرعة ليه؟
مين سعيد الحظ اللي انتي مسرعة عشانه
لو مش خايفة على نفسك احنا خايفين عليكي
ـ لو ماكنتش رابطة الحزام :
يا اهلا بمواطنة بلدنا الحبيب طب اربطي الحزام عشان خاطري
ـ لو مااحترمتش الاشارة :
ليه قطعتي الاشارة اللي زي الخدود الحمرا دي
ابقي اوقفي المرة الجاية ماتحرميش الناس من انهم يشوفوكي عند الاشارة
ـ لو مشيت في عكس الطريق :
تصدقي انك ماشية عكس السكة
يا بخت اللي واخد عقلك
ابقي خدي بالك المرة الجاية عشان ماازعلش منك
بس تعرفي البرفيوم بتاعك ريحته تجنن
ـ لو كانت سايقة وازاز العربية متكسر :
يا امورة مش حلو عشانك انك تسوقي والازاز متكسر كدة
انا عندي الحل دة رقمي اتصلي بي اصلي بعرف صاحب محل هيظبطهولك
ـ لو مش عندها طفاية حريق :
لا كدة ما يصحش لازم يكون فيه عندك طفاية حريق
لو مش عشان خاطري يبقى عشان خاطر عربيتك
اااااااااه يا قلبي
ـ لو وقفت في مكان ممنوع :
تصدقي ان وقفتك تجنن
بس ع فكرة العلامة حاطينها ونسيوا يكتبوا عليها ممنوع الوقوف
انما انتي مسموحلك طبعااا
