عندي شجاعة واقدر آقول مابيك
لكن احاول معك عل وعسنّك
تصحي بعد ماشوّه الوقت ماضيك
وتٌشوف وين افكار عقلك خذّنك
ابصر طريقك زين تاهت خطاويك
حاسب تراهن ابعدن وابعدنك
كلشي تغيّر فيك حتى مباديك
وحذرا المبادي بالظهر يطعننك
مره تقول الحظ دايم معاديك
ومره تقول ان الظروف يحدنك
حتى كلامك نبرته غيّرت فيك
قبل العباير لاحكيت امنعنك
تدري اش صار البارحه يوم احاكيك
يومن شردت وخاطري غاب عنّك
بغيت تسقط مع دموعي واخليك
لكن رموشي مارضن وارفعنك
وش فايدة لاصار عيني تعاديك
دام الجوارح كل ابوهن يبنك
زعلان منّك واعتذرلك واراضيك
ومافوق حقي اطلب العذر منّك
يقطع ظلوعي قدمااقول مابيك
لاضاق صدري صفّقن واطلبنك
