"فحص سواقة........

كبار الشخصيات الجنس :

من فترة طالعت سجلت على دورة سواقة لحتى طالع شهادة
قلت لحالي .. حجرة بالايد احسن من ريتا علشجرة
انه واحد ما بيخسر عليها شي
قلة مهندسين عم يشتغلوا شوفيرية ؟
حضرت الكورسات بشكل منتظم وكان الوضع كتير ظريف
باستثناء اني كنت رح اعفسه للمدرب وقت اشرلي علسيارة من بعيد وقلي روح جيبا
جبتا بس انعبطت وما شفت دعسة الفريم

وصلنا وقت الفحص
حددولي موعد ما كان بناسبني بولا طريقة من الطرق
فاضطريت اني غيب عن الفحص واطلع تاني يوم
قلت لحالي انه اللجنة موجودة وموجودة فأكيد بتقدر تفحصني

فتت على المدرسة وشرحت الوضع للجنة اللي هنيك
قالولي روح عود بشي مطرح مريح لأنك دورك مطول
سألتن .. ليش ؟
قالولي انه ما من حقي آخد دور شخص ملتزم بالوقت .. بس يخلصوا كل الطلاب بصير دوري

مسكت هلموبايل وفتحت برتية التركس
وقعدت ............

خلصوا الطلاب تبع الفحص
وصفيت لحالي
ألاقي الاستاذ من جوات السيارة عم يصيح
المتخلفين يجو لعندي
انا بقيت قاعد بمحلي
انه شو خصني بينه وبين المتخلفين ؟
بالأصل شو بعرفني مين هدول المتخلفين
ألاقيه من مراية السيارة عم يزاور فيني
ويعلي صوته
المتخلـــــــــــــــفين يجو لعندي

انه يلعن سماه هلزلمة شو بده ؟

ما ألاقيه إلا وفتحلك هالباب ونزل منه بسرعة السعدان واضعاً الشر نصب عينيه وكأنه رح يقرصني بكماشات الزلعطان
اجا لعندي طلع فيني من فوق لتحت والزبد عم يرغي بتمه وقلي
لك مو انت المتخلف !!
انصدمت من حالي وقت قلتله " إي انا المتخلف "
قلي : وما تتفضل علسيارة ؟
قلتله بتفضل وين المشكلة يعني
تفضلنا ومشي الحال

بالمناسبة
رسبت بالفحص

اضافة : مشان ما تكون نهاية القصة تراجيديا وتبلش الدموع تنزل علاراضي اللي فوق البواب 0 مطرح مو طالعة الطرزانة سابقاً 0
ومشان القلقانين علي بحب خبرن انه الشهادة طلعت والحمد والشكر والتسبيح لجيب الوالد اللي عمله فتلة على اللجنة ومشي الحال
الله وكيلكن
الاستاذ اللي كنت رح اعفسه
اول مين حطلي علامة الجيد لأنجح بالفحص
يضرب الحب شو بذل

"""""""""""""""

Razz

المراقب العام الجنس :

ههههههههههههههههه
يضرب ها التفكير
قصه عن جد حلوه
تمتعنا دائما بما تطرح
روحك مختلفه
وطروحاتك غير شكل

التميز صبغتها
الي الامام
والمزيد من التقدم
والعطاء
لك ودي

عضو نشيط الجنس :

الله يسامحك من الاول حط ايدك بجيب الوالد
ومن الاساس لا تروح على الفحص ومو مظطر تشوف اللجنه

كبار الشخصيات الجنس :

شكرا لردك الطيب ومرورك الانيق :ان كان يمثل ؟ فهو يمثل شخص مهذب ومشجع للفكر والثقافة :اهنئك واحيي فيك روحك الجميلة :تقبلي مني كل الود والاحترام

كبار الشخصيات الجنس :

والله يا سيد امير :قلنا على اساس نطالع الشهادة بتعب جبينا ومن دون واسطة بس ما مشيئ الحال :فالج لا تعالج ::رسبنا :بس شغلنا حركة نوال ؟؟منشان يمشئ الحال والحمد لله توفقنا بالطريقة السريعة والجميلة :{نوال}= ناول يعني عبي الجيبة :

مشرفة القسم الحر الجنس :

المهم مشى الحال ونجحت باي طريقة كانت
بتسبيح الوالد او غيرو
الغاية تبرر الوسيلة
يسلمووو كينغ لمشاطرتنا قصتك

الجنس :

ههههههههههههههههههههههههههههه

قصة بالفعل اكثر من رائعة الله لا يحرمنا منك

لك مني كل الود والاحترام

كبار الشخصيات الجنس :

مشكور اخ جرح قريبا ان شاء الله بكون كملت المشوار واديت المهمة :وتحياتي لك ولردك الانيق

» الفيلم الممتع " كلمنى شكرا " ts- hq و على " رابط واحد " حمل و اشكرنى حصريا على السخنة الشماء
» حصريا على السخنه الشماء وبجداره تامر عاشور "" علشان الحــــــــــب ""
» علمتني الحياهـ ان احيا بقلب "طفله" وعقل "امرأهـ"
» انتا انتى استتنائية """ منقول لنزار قباني
» فان در فارت : " يجب علينا الفوز على خيريز , ثم تشجيع الاتلتيكو ضد برشلونة "