أبو عواد : أهلاً أبو سركيس ……. تفضل اشرب شاي
أبو سركيس : مرحبا أبو عواد ……. شلونيك أنتي
أبو عواد : أهلا أبو سركيس … أكيد هاي جيتك من وانيس …..
أبو سركيس : أي و الله .. وليك أبو عواد صايرة أنتي زكية .. شلون عرفتي أنو كنت هونيك عند وانيس الكلب ؟؟؟
أبو عواد : يخرب بيتك من ريحة الزبل الي شاربوا … ريحتك واصلة لجسر الرقة القديم ..
أبو سركيس : ولكْ … أبوعواد … و الله أنا مو مبسوطة بنوبْ … بنوبْ… و من شان هيك .. أشرب من هدا زبل الي بتقولي عليّ
أبو عواد : خير … خير أبو سركيس …. إن شاء الله مافي شي … لا يكون أختي أم سركيس مريضة أو أحد الأولاد …
أبو سركيس : لا … لا .. إطمني أختك أم سركيس .. ما في شي .. مبسوطة .. قاعدة هونيك عند أخوها ( زوهراب ) بحلب
أبو عواد : يكون ( ساكو ) مزعلك بشي !!! ..
أبو سركيس : لا .. لا ( ساكو ) كمان مبسوطة … عم يشتغل كهربجي سيارات بالسلمانية عند عمو ( آكوب ) و الحمد لله ما شي حالوا
أبو عواد : طيب ليش زعلان …. أبو سركيس …. مو من عوايدك … الزعل ؟؟؟
أبو سركيس : ولكْ … و الله من الشي الي عم يصير … العمى … من عشرة – خمستعش سنة …. أكبر مشكلة … شوفي وليكْ أبوعواد ……. أكبر مشكلة .. أروح لعند الكلب ابن الكلب ( وانيس ) الغشاش و كاس من هدا الي بتقولي علـّـي زبل و كمان مغشوش …….. يطلع أخوك أبو سركيس ….. تمام ….
هلق … ولكْ بدها برميل من هدا ياهووو….. و ما عم تــّـزبط ….
ياهووو … شغلة مازوط و الله شغلة … كتير ياهوووو و الله كتير..
والــّي مزعلني مو لأنو غالي أو رخيص هي شغلة دولة و حكومة أنا ما بفهم فيها ……… الــّي مزعلني شغلة تانية …
تعي قــّـربي لهون وليكْ حمارة أبو عواد و أقــري شو مكتوب بالــقـزيطا ( قــّــزيطا – جريدة بالتركي و لغات أخرى )
بيقول هدا الــّي هونيك شوفي صورتوا . هادا أبو كرافتيه حمرا و عامل متل بطاقة إستنفار بالجيش و لابس ندارات ( نظارات ) ….
ولكْ … أبو عواد أنتي وين عم تتطلعي ….. إطلعي هون ..هون …. مو عالصورة هــّي … هـــّـي ميادة حناوي … يخرب بيتك أبوكِ
أبو عواد : طــّـول بالك خلينا نشوف هالمزيونة … ما شاء الله ما شاء … شي فخم .. فرس مسبوعة الأبو … فرس أصيلة
أبو سركيس : العمى بعيونك العمى ….. ولك أبو عواد عندك تلاتة نسوان … و جاي تبصبص بالقزيطا … و شو فرس و كديش …. شو علاقة ميادة حناوي بهدا الفرس تبـعــك .. شو شايفها بسوق حمير ؟؟؟
أبو عواد : خلاص … خلاص … أش مكتوب .. العمى يضربك شقد بصلتك محروقة
أبو سركيس : مكتوب أنو إحنا لازم نرفع سعر المازوط … من شان ماحدا يــهـّــربوا … لبرا ؟؟؟؟
أبو عواد : أي و ين الغلط ؟؟
أبو سركيس : ولكْ أنتي حمارة ….. أنتي … قال وين غلط قال ….. ولك كلوا غلط بغلط … ولك لما ما تقدري عالحمارة الي متلك تقومي تصيري زلمة عالبردعة …… هون الغلط ..
من شان عشرة – عشرين ……. قول مية مهرب واطي … ابن حرام ….. نقوم نرفع سعر مازوت على هالمساكين ….
طيب شو الي راح يصير بالمهربين يعني ……. راح يدورا شغلة تانية يهربوها … و إحنا أكلنا هوا ….
أبو عواد : ولكْ وطــّـي صوتك ….. يخرب بيتك أمك على بيت أبوك ……. علــّي الحرام إذا سمعوك غير ما يشوطونك من الرقة لـ أرمينيا ؟؟ و بشوطة وحدة تجي بنص أرمينيا – ثاني شارع على اليمين ….
أبو سركيس : شو شوطة و ما شوطة … شو حكينا … في واحد يغـّـلي مازوت بشان ما حدا يهــّربوا ….
ليش بس المازوت يتهرب من هون …. شو يعني بكرا …. كمان تطلع وحدة فهمانة متل هــّي إلي بالقزيطا ..و تقول .. لازم نغلــّي الطحين من شان ما يتهرب و نغلي السكر كماااااان من شان ما يتهرب و نغلي الفجل من شان ما يتهرب … ياهووو … و الله شغلة تطقق المخ …….
و بعدين تعالي أشوف ما في تهريب إلا هون .. كمان في تهريب من كل الدول ليش ما يعملوا متلنا وليش ها المهربين بس عنا حمير… شو ما حدا يفهم إلأ نحنا ولك ْ أبو عواد ؟؟؟
و بكرا كمان أخونا أبو مستو يغلــّي مهر بناتوا كما من شان ما يتهربوا لتركيا ؟؟؟؟؟ قال شو بناتوا كرديات أصليات … شقر ….
و الله .. شقر لأنو طالعين على أختي أم مستو … مو على شكلوا المبهدل .. يخرب بيتك شكلك شكل السعدانة ولكْ … أبو مستو
أبو مستو : إشبك أبو وانيس … شو مهر و ما مهر … و شقر و حمر … العمى بعيونك .. شو شربان زيادة اليوم ….. قعود …. ياهووو …. قعود … لا يقولوا عليك الناس مهستر
أبو سركيس : أقول يمكن أنتي كمان بدك تزيدي مهر بناتك من شان ما يتهربوا لبــرّا ؟؟؟
أبو مستو : إطــّـمن أبو سركيس … أنا كردي و ما تفرق معي برا – جوا … أنا ما ياخد مهر … بس يجي ابن حلال …. يخاف الله ….. أبو مستو يقولوا … خوووود ….
أبو عواد : كفو … كفو ……. أبو مستو …. هذا الــّي يفهم بالبورصة ؟؟؟
أبو سركيس : تضربي منك إلو ….. كمان تحكي بالبورصة …..
أبو مستو : ولكْ … قعود أبو سركيس … قعود لا أقوم لك ..
العمى دوختنا ياهوو … مازوت .. مازوت … كل ما عندك موتور حقوا فرنكين و يشتغل عالبنزين و نازل فينا مازوت .. .
أبو سركيس : أي متل البورصة تبع بطاقات المازوت …. تدفع نص حقا من شان تاخدها … و تقوم تبيعها قبل ما توصّــل البيت …….
وطلعت شغلة تهريب المازوت .. أرحم من سرقة بطاقات المازوت و هلق بدوا يوزع مصاري للناس … ياهوو إزا بطاقات سرقوهن و لسه الحراميي ما طلعوا من الحبس …. يعني مصاري شو راح يعملوا فيهون …
مــّـلا … فكرة و الله ……… تقومي تهربي من المطر توقفي جوا مزراب ؟؟؟
و كمان مو عاجبك الموتور ولكْ .. بغل أبو مستو ….. لما بدك توصيلة … تقومي تمدحي فيه كأنو طيارة و هلق ما يسوى فرنكين …. بسيطة …
أبو عواد : خلاص … خلصـّـنا من شغلة البطاقات …. قوم شـّــغل موتورك … وصلني على عين عيسى ( قرية شمال الرقة ) غابت الشمس …..
قومي أوصلك لـ عين عيسى … و إن شاء الله ياخدك لعـند عيسى هونيك فوق بكلي تخلصي من مازوت …. بس دفوش أول شي ………….. مانويل مسكورة
و إعطيها …. أبو سركيس …. بنزين ما بيها ؟؟!!
كتبت بواسطة مدونة وليد شام::
