قصيده باسم حنان
للشاعر اسعد الروابة
تعال اقعد وافضفضلك عشق وسط الحشا وهوجاس
صديقي واسمع امالي والامي وتأملها
ابوصفلك حنان بقدها الممشوق والمياس
ابرسم لك ملامحها وعليك انت اتتخيلها
عليها خدود وش بيض الحمام لبيض من القرطاس
عليها عيون واهداب وقوام الله مكملها
تخيل يوم تضحكلي وتسلهم لي غنج ونعاس
ومع الضحكه تعض شفاها وتنثر جدايلها
يفز العشق بظلوعيواباريها بدون احساس
توصلني الجنون بزينها المجنون واسألها
اقول بربك اللي عطاك زين بلا قدر وقياس
وحطك في وسط قلبي سعاده ومقدر أصلها
تحبيني تقول بكثر ما بالأرض رمل وناس
واحلفها من الفرحة وانرفزها وامللها
وحتى بالزعل تحلى تصير بروعة الألماس
تصدقني بعض مرات انا اتقصد وأزعلها
تهب عطر من مفرق شعرها عذبة الأنفاس
مثل عطر المطر لي عانق التربه وبللها
حنان اجمل بنات الأرض واصدقهن دفا و احساس
حنان بنظرتي هي آخر الدنيا وأولها
اهني هالريح لي هبت لأراضيها واهني الناس
واهني هالجبال اللي قريبة من منازلها
تفارقنا مثل فرقة الجسد والروح هم وياس
بكت ضحكة وضحكت دموع لحظه ماتخيلها
ياليت الله يجمعنا بعد هالبعد راس براس
واغيبها عن الدنيا وهي دنياي باكملها
